Streektaolteut: Gebrek en te veule
· leestijd 1 minuut ColumnDit is de zesde aflevering van de maandelijkse streektaalcolumn van schrijfster Femmy Woltman uit Giethoorn.
Overal is gebrek an. Een gebrek an meensen waor waark genoeg is te doen. In alle beroepen kan er volk bi’j en waor zit het volk? In de horeca prakkiseren ze van alles uut om de gerechten an de man, vrouwe en kiend te kriegen. In de zorginstellingen kunnen ze ook wel meer ölpe gebruken. De kienderopvang sukkelt ook en hierveur worden zo hier en daor olders in eschakeld die zelf eigen kiender de deure al uut em-m. Ervaring deskundig maar niet op-eleid en dat is dan een probleem. Men mot reui’jen mit de riemen die er bin-n, ook al is er maar iene rieme die joe verder kan ölpen. Kraantenbezorgers. Ook hier is er gebrek. De huus- an huus-kraanten koemen niet overal binnen de deure en now wordt 1 juli nog wel beneumd as de dag van het huus-an-huus blad, maar ja, wanneer die niet in de brevenbusse komp, die ef dan pech of gelôk veur de niet ge-interesseerde. Een vekaansie baentie veur jongelui misschien? Of geven die de veurkeur om as rondvaortschipper de euro’s binnen te aelen. Het serveren van koffie en bier past sommigen ook wel. Er liggen in de toeristenwereld heel wat baenties kaant en klaor die niet gebunden bin-n an leeftied. Hoe mooi is dat. Maar ja, de kraantenbezorgers, dat blef een ‘zorg’. Wie de gratis kraante niet in de brevenbusse kreg, die kan klaegen, maar ja, wat valt er te klaegen a-j iets gratis kriegen?
Waor gien gebrek an is, dat bin-n de wolven waor zo zaachies an al een hele familie van rond struint. Hier is niet iederiene bliede mit. Rovers bin-n het en hierveur mot de schaopenboer het maar zien te klaoren. Die iene wolf was een zeldzaamheid, maar die zeldzaamheid is over esleugen op overdaod, waor men maar rekening mit mot olln. Veule dieren, die schae brengen an meense en naoture neum ze maar op: de zwienen, de gaanzen, de vos, de steenmarter, de ooievaar, de ... ‘Overdaad schaadt’ en ingreep naor behoefte is nog altied beter dan genezen.