Streektaolteut: Waor zit dat coronavirus?
· leestijd 1 minuut ColumnIn deze maandelijkse streektaalcolumn stelt schrijfster Femmy Woltman uit Giethoorn zich de vraag: “Waor zit dat coronavirus?”
Dat is een vraoge waor gien iene een antwoordt op wet te geven. Grote koppels volk bi’j enaander daor moe’j van weg blieven, dat is een veur de haand liggende tip, zo men zegt. Er is altied wel volk die weer huusarrest kriegen. Gelôkkig is het in de meeste gevallen niet ernstig maar die patienten zitten er maar lillijk mee. Toch is er ook wat positiefs ontstaon vanwege corona, en wat dat wel is? Dat is het doodgewone ofstaand ôlln. Now komp in bepaarkte maote de haanddruk weer teveuurskien maar… er is heel veule ofstaandelijk of te haandeln. Het aller-aller mooiste is dan toch wel de omhelzing. De smok, kus zoen, de smakkerd, het ligt er maar an hoe te beneumen, maar dat gedoe is flink aachteruut escheuven. Het is ook een overbodige haandeling en dat bleef dan niet bi’j iene pakkerd wel nee, links-rechts en dan nog een keer links.
Gevri’j
Het was toch een raore gewoonte dat gevri’j. Het kon veurkoemen dat er volk was die a-j niet iens kenden maar ja, vrienden waren kennissen van en hupsakee daor gung ‘t en. Tja, dan dee-j vanzelf wel mee ook al docht ie wat aanders. Ni’jemoese fratsen en meelopers genoeg. Veur iedere pakkerd een euro, ‘k zol de knippe rap vol kriegen. Een gebaor om anhakelijkheid over te brengen is altied mooi maar laot de smok maar aachterwege en niet bestemd veur jan en alleman. Bovendien was, en is het now nog, ook butengewoon besmettelijk veur het overbrengen van virussen en ook heel on-smaekelijk, maar, hoera! De ofgaank van dit onhygiënisch gedoe is dree jaor eleden in ezet en mit een kleine meui’jte bin-n wi’j er of. Vaaste olln volk. Ontblootte lichamen op terrassen dan? Waor zit dat virus? In de blote bast en in bikini op een terras zitten? De bezweette roggen tegen de rôggeleuning plakken waor een aander laeter ook op dezelfde stoel giet zitten. Hier zol een verbod op moeten koemen want buten het onsmaekelijke zol het best wel kunnen dat ook in dizze situatie die gemene virus op de loer lig. Niet dat het waor is maar het zol best kunnen.
