De tied van schrobber veur de deure
· leestijd 1 minuut ColumnIn haar rubriek Taolteut vertelt Femmy Woltman uit Giethoorn dit keer over vroeger.
Er wordt nogal ies ezegd dat het vroeger veule beter was, hoewel dat niet mit alles zo is naotuurlijk Wat was now beter? Het is niet zo meui’lijk om hierover nao te daenken. Om de vri’jheid en gemoedelijkheid maar te neumen, dat is zo zaachiesan flink aachteruut egaon. Het vertrouwen ef een flinke knauw ekregen en een staark verlangen naor die tied komp regelmaotig teveurskien.
Waog het niet om een fiets zomaar even weg te zetten en niet op slot is ezet. De schrôbber veur de deure zetten a-j even van uus bin-n, vergeet het maar en veural de sleutel niet onder de matte leggen. Een camera bi’j de belle an de veurkaante, en een bespieder an de aachtermure dat is now het middel om indringers waor te nemen en om joe zelf veiliger te veulen.
Camera’s,- overal camera’s die precies zien waor as een meense mit bezig is. Die olln de wacht zonder een woord te zeggen maar mit de bedoelige dat ieder herkenbaar is. Niet iederiene is hier bliede mit maar veur veiligheid wordt het an eneumen. Laot het maar simpel wezen om trôgge te kieken. Toen de kiender huppelend naor de skoele gingen en van 9 tot 12 ure les kregen. Om half 2 weer present tot half 4. Wie strafwaark had mos naoblieven en strafregels
skrieven. Nao een lipperige klacht bi’j moeder: “Ik eb niks edaon”, dan as antwoord kreeg: “Ie zulln het er wel naor emeuken em-m.”
Trôgge naor toen? Er werd een veurstel lanceert om een attribuut uut de middeleeuwen op de proppen te aelen, naemelijk, De Schandpaal’. Van harte an beveulen veur mannen die vrouwen bedwelmen zodat ze buten westen raeken en die ze dan as een seksueel vermaek anbieden. Laot de gezichten en naemen van dat tuig maar zien en veur hun verblief in de gevangenis, eerst an een eupenbaore schandpaol. Niks gien verstopperi’je aachter letters en rechters. In een ogenblik tied kunnen ze mit heel wat eieren worden versierd, rotte appels was nog beter volgens ’t veurstel. Gien goed idee? Het is dat tuig echter van harte egund maar ja, het is 2026. Een vrômde wereld.
