Taolteut van Femmy Woltman: Partnerschap mit herinneringen
· leestijd 1 minuut ColumnIn deze nieuwe aflevering van Taolteut vertelt Femmy Woltman over de partnergemeentes Brederwiede en later Steenwijkerland en het Duitse Clarholz-Herzenbrock.
Er stond een bericht in de kraante dat er problemen bin-n mit het partnerschap
Steenwiekerlaand en Clarholz-Herzenbrock in Duutsland. De stichting Jumelage zet het niet meer zitten. Alleraande problemen koemen er in de loop van de jaoren. Belangstelling wordt minder, evenzo de gastgezinnen en in de olde kouse koemen ook meer gaeten. Tja, waor zu-j joe dan drok omme maeken. Stichting Historische verwantschap 860 jaor eleden, en toen, eeuwen laeter, zochten kloosterlingen contact mit de Kop Van Overiessel. Burgemeester Tuik van gemeente Brederwiede reageerde hierop en saemen mit Roelof van de Zweerde, gemeenteveurlichter, werd het veurgestelde uutwisseling van partners op gaank ezet.
Er was volk genoeg die het wel zagen zitten en toen kwam er een uutneudiging bi’j de Gieterse Daansers op de koffietaofel om naor Clarholz-Herzenbrock te gaon en contact te leggen mit de daansgroep daor. Gien iene had bezwaor. Zie veulden het ook as een ere en spreuken of dat ze zich weerdig zolln gedregen as ambassadeurs van Brederwiede. Veur eten, slaopen en verdere verzorging konden ze overlaoten an hun vrienden in Clarholz-Herzebrock. Hartelijke ontvangst en wat er verder an bod kwam. Er waren gezaemelijke optredens en ze waren zelfs onderdeel in de optocht van het Schuttersfeest. Zie besleuten al gauw dat een tegenbezeuk veur d’aand lag en zo ontstond er een vriendschap mit uutneudigingen van beide dansgroepen over en weer. Dit was het partnerschap zo Burgemeester Tuik zich had veur esteld en was mit echtgenote steevast getuuge hiervan.
Steenwiekerlaand
Brederwiede was intussen verleden tied en kreeg gemeente Steenwiekerlaand het partnerschap er zomaar bi’j. Dat mot dan een Brederwiedeplekkie kriegen bi’j alle papieren rompslomp en dat gung naor wens. Verschillende contacten tussen beide daansgroepen em-m in de loop van de jaoren plaese evunden. En dan komp now an dit gebaor een ende. Uutwisseling is er niet meer bi’j, hoewel, zeg nooit, nooit. Vriend blieven via de mail kan ook. Veur burgemeester Tuik, was de Gemeentelijke Partnerschap belangriek, maar meer nog de contacten tussen bewoners van beide gemeenten, dat is in verschillende opzichten gelôkt. Dit was Partnerschap en Vriendschap vol herinneringen.
