Taolteut: Zet een keerse veur et raem…
· leestijd 1 minuut ColumnIn deze maandelijkse streektaalcolumn schrijft Femmy Woltman uit Giethoorn dit keer over ‘Zet een keerse veur et raem...’
Hoe mooi zung Rob de Nijs dit lied lange eleden. Hi’j dochte, wanneer ik een keerse op de veinsterbaank zette dan straolt er locht naor buten, en waor locht is, daor is volk. Dan is er iene die op joe waacht, maar ef die iene keerse ook het resultaat had waor de zanger zo op hoopte? Hope olln is nooit weg.
Een aander verhael is het wanneer een keerse een uutsraoling mot geven in een onbewoond uus. Minder uutstraoling en meestal mot dan een keerse het loodtie leggen en koemen er zogenaamde schemerlaampen op de veinsterbaank. Dat locht ef een aandere betekenisse as die iene keerse.
Die laampen zeggen hetzelfde: “Hier woont volk.” Maar dat is een list en daor zit em now net de kneep want dat uus is niet bewoond.
Een ni’je eigenaar, die de woning as geldbelegging ef an–eschaft, en het onbewoond lat staon. En zo koemen er leeg staonde uzen midden in een dorp. Het is een laandelijk verskiensel. Lege uzen brengen de dood in het dorp en stad.
Tweede woningen bestaon sinds 1950-1960 , totdat er opiens een verbod kwam. De eis was: Permanente bewoning. Dit verbod had alleen op papier een betekenisse dus kwam er gien veraandering en het giet gewoon deur. En dan is er zo heel veule volk die een eigen plekkie zeuken. Toch maar hope olln.
Hope dot leven. Dat doen de Ossenzieligers ook. Hope op een rondweg die de smalle dorpsstraote ontlast van deurgaond verkeer. Now nog een rondweg om Blokziel, en een weg om het smalle padtie in Gietern te ontdoen van het snel verkeer, en dan ook zorgen dat de stompe koornmeule weer wieken kreg en ook...
Er is er nog veule, ja veule meer waor as een meense alleen maar op kan hopen dat er actie komp, maar meestal blieven de euro’s in d’ olde kouse en bestemt veur een aander plan.
Maar, wie wet nog, want er kan veule gebeuren in het ni’je jaor. Een goed ni’j jaor veur iederiene.
Femmy Woltman-Groen
