Taolteut: Kniepnaegels en voegelties
· leestijd 1 minuut ColumnIn deze maandelijkse streektaalcolumn schrijft Femmy Woltman uit Giethoorn dit keer over kniepnaegels en voegelties.
Al weer gien kniepnaegels had of voegelties in de vingers, zo wi’j dat ewend bin-n van vroegere winters. Dat is an ons veurbi’j egaon. Een paer naachten vorst en dat was een meevallertie, maar het stelde niks veur. Gien kolde haanden of bevreuren ti’jen, gien ies an de baord en wenkbrauwen of... zo ku-j nog wel een poosie deur mekkern. Het is niet aanders, alhoewel, het is nog winter, daenk er omme. Vroeger, ja weer vroeger, toen was er een marathon op 24 februari, dus het kan nog wel volgens de kalender. Laoten de sni’jklokkies nog maar niet te veurbaorig wezen, het kan eur de kop kosten hoe stevig ze ook in de gröspolle staon.
Overdekte iesbaenen
Gien naotuuries? Dan maar mit de kiender naor de overdekte iesbaenen. Iederiene mot toch groot worden mit de kundigheid van schaeserieden. Er is ies genoeg om te leren, maar jammer genoeg koemen hier vraogtekens om de hoek kieken. Dikke vette vraogtekens want iedere ies-tempel zit tegen het zwarte zaod an te koekeloeren. Overal tekorten, zie redden het niet zonder steun. Ofstaand zeg niet zoveule want wie wil, die reist overal naor toe, maar toch geef ik de veurkeur om Heerenvene in t’ vizier te olln. Om daor gewoon een paer rondties te rieden. Zonder kniepnaegels of voegelties in de vingers, maar ook om op een aander moment daor naor toe te gaon. Europees, Wereld of Nederlaandse Kampioenschappen. Genieten en het gekochte toegangskaortie is mitien een bijdrage veur het overleven van Thialf.
Ineke Dedden
Kleine beeties maeken een grote bulte, maar buten dat, de marathonrieders verlangen mit hart en ziel naor naotuuries en dat dochten ze te beleven op de Weissensee. Het spande er omme. De alternatieve Elfstedentocht was bijna of-elast en de marathon veur ‘t Nederlands Kampioenschap is ingekort. De stiekeme verwachting is uut ekomen en wat docht ie: Ineke Dedden uut Wannepervene was de snelste bi’j de vrouwen. Goed edaon maegie en succes mit de volgende wedstried, want die komp er vast en zeker an.
