Getuut zonder ende
· leestijd 1 minuut ColumnIn deze maandelijkse streektaalcolumn schrijft Femmy Woltman uit Giethoorn dit keer over ‘Getuut zonder ende’.
“Wat is er toch veule veraanderd,” zegt een old Gieterse bewoner. “Now krieg ik een foto onder de ogen en wat zie ik, de brôgge, waor ik jaoren aachter eb jaoren ewoond, daorvan willen ze beweren dat die brôgge de leste brôgge is. Glad in de biester want het is niet de leste, maar de eerste brôgge en dat ook nog op een bord skrieven. Dat bord mot naor ’t aandre ende, naor ’t begun. “En waor is het begun dan,” is het weerwoord. “Het ligt er maar an van welke kaante a-j koemen. Wie van Noord naor Zuud giet, begunt bi’j iene te tellen en die van Zuud naor Noord giet dot hetzelfde. Ik zegge joe dat dit de eerste brôgge an dit pad is. Dat is altied al zo ewest.”
Hier is gien stok tussen te kriegen en beslist de meui’jte niet weerd om hier meer woorden an te spanderen, want dan wordt het zeuren om niks. Er wordt al genoeg e-aggelt in de wereld. Er is heel wat volk die eigen mening vaaste olln en ja dan komp er ge-arrewar. Dit ef niks mit de Gieterse brôggen te maeken want die mening is bi’j esteld maar de tegenwoordige ‘mode’ is om het verleden van een persoon ies ‘vakkundig’ andacht te geven en dat dan tot in de punties wordt uut espit om die persoon an de schandpaol te naegeln. Ofgunst en haat viert hoogtij. De roddelfabriek komp goed op gaank en dri’jt maar deur. Triomf, weer iene die slaopeloze naachten ef en wat ef een aander daor now veur belang bi’j.
Roddelproot
Misdaod mot estraft worden dat is dudelijk, maar ol toch op mit die zwartmaekeri’je dat schae brengt an andermans leven en hoe schaande, hier wordt ook nog an verdient. Er zal genoeg in de doofpot liggen en onder de ase lig nog altied vuur dat vlamme kan vatten a-j er sprikkies opleggen. Een scheut waeter er over zal alles doven. Mit het verleden van een aander, wordt e-smaust tot roddelproot en hier zit gien iene op te waachten. En ook hier ef gien iene wat mit te maekn.
