Streektaolteut: Waeter, Water, Wotter
· leestijd 1 minuut ColumnIn deze maandelijkse streektaalcolumn schrijft Femmy Woltman uit Giethoorn dit keer over water.
Waeter, Water, Wotter. Dit ef een overienkomst, ie worden naemelijk van alle dree nat. Alle dree mit een verschillende klaank uut espreuken deur bewoners van Steenwiekerlaand. Woorden van eigen dorp of stad mit dezelfde betekenisse. Dat is now zo mooi an streektaol. En dat bin now die mooie kronkelpadties die veule verrassingen teveurskien aelen. Een rechte weg is hier niet mit te vergelieken. De cultuur vaaste olln. Gien ienheidspot en van die prachtige dialectwoorden en gezegden in het Nedersaksisch, daor öl George Huusman ook zo van.
George Huusman
Op een dag kwam een droevig bericht. George Huusman is overleden.
Het is niet veur te stellen. Zo onverwacht, uut de tied. George was saemen mit Frans Keizer de grondlegger van de Taol en Kenniskwis Steenwiekerlaand. Ze verzaemelden woorden die bijna niet meer worden gebruukt in daegelijkse gesprekken. Die kwamen dan trechte in een verhaeltie van George, waorvan de deelnemers de betekenisse mossen invullen. Vanof de eerste bi’jienkomst was het een succes mit fanatieke deelnemers en was het ook heel gezellig en vermaekelijk, ook deur de veurlezer Jannes Mulder, maar... ‘George is niet meer en hoe komp het now zonder George?’ Een heel onbelangrieke vraoge wat betreft de kwis. De is dan niet belangriek. Het gemis zegt alles.
Wanneer iemand uut het leven wordt erukt dan zal de eerste vraoge wezen: “Hoe komp het now?” Die stoel is en blef leeg. De naosten van George wordt staarkte en kracht ewenst om dit gemis een plekkie te geven veur now en in de toekomst. De Taol en Kenniskwis 2023 is inmiddels ewest en weer mit een goeie belangstelling en in de toekomst wordt er ‘estreden’ om de Georg Huismanbokaal. Mooi eerbetoon.
De maond Meert is de dialectmaond en zodoende is de taal en kenniskwis ook in ‘t leven ereupen zodat de streektaol tussen al die bekende skrievers (sters) werd op-eneumen in het Skrievers Festival van Steenwiekerlaand. In de maond Meert kreg het dialect de volle andacht wat wel de bedoeling is. In sommige dorpen, steden ,televisie en radio programma’s wordt hier andacht an besteedt. De tarieke zangnummers in de eigen streektaol worden mit naodruk ezungen en hopelijk blieven ze de zuvere tone vaaste olln en niet alleen in ‘Meert dialectmaond’.
