Wat zeg ie? ‘k Verstao joe niet
· leestijd 1 minuut ColumnIn deze maandelijkse streektaalcolumn schrijft Femmy Woltman uit Giethoorn dit keer over slechthorendheid.
Dovigheid komp veule veur. Elemaole doof is te veule ezegd, maar niet alles goed meer verstaon. Hoe vervelend het ook is. Dan ku-j naor de dokter gaon zoas die man, zo wordt er verteldt, die de dokter vreug of er ook pillegies waren veur dovigheid.
Hi’j was doof veurnaemelijk an ’t rechteroor. Er was volk die beweerden dat et zeeniggen (zenuwen) waren, maar dan was hi’j toch zeker wel an beide oren doof. De dokter had em ezegd dat er wel pillegies waren veur de zeeniggen (zenuwen), maar veur dovigheid niet.
Ofleren
Een jaor of wat had hi’j et al en in ’t begun had hi’j dat wel makkelijk evunden. Wanneer er wat werd verteld wat onbelangriek was, dochte hi’j, dan had hi’j ‘t dove oor naor de spreker ölln. Een poging om het verhael an em kwiet te raeken, waorvan hi’j gien sikkepik snapte, dan had hi’j de skolders op etrökken, maar die beweging mos hi’j ofleren. Zien positie op ‘t waark was nogal veraanderd, zodat hi’j niks mog missen wat er ezegd werd.
De dokter had em veur ölln dat et wel ies een langdurige kwestie kon worden. Meestal spuitte hi’j oren schone, had hi’j ezegt. Was allemaole goed, maar het kon zo niet langer deurgaon. En er is gien pillegie veur, dan mos de spuite er maar op maar dan in beide oren want het aandre oor had al te veule waark moeten doen en was ook niet schaarp meer.
Teveule geproot
Dus ook doof. Dan was dat oor wellicht Oost-Indisch doof ewest had de dokter geruststellend ezegd, want er waren veule meer meensen die daor mit rondleupen. Oost-Indisch doof? Hi’j had et wel een mooi woord evunden, maar had toen tegen de dokter ezegd dat hi’j zien klacht elemaole over gaf an deskundigheid. Zet de spuite er maar op, maar dan hoopte hi’j wel dat er niet een aander probleem kwam. Wat probleem mocht dat dan wel wezen? Hi’j was bange dat hi’j teveule geproot mos verwaarken en dan kon het wel ies echt op de zeeniggen slaon. Resultaat? Gehoorapparaat!
