Nieuwe aflevering Taolteut: Zo gulzig as een slakke
· leestijd 1 minuut ColumnIn deze maandelijkse streektaalcolumn schrijft Femmy Woltman uit Giethoorn dit keer over de slak.
Er bin-n heel wat dieren die onder de wet beschaarming vallen. Daor kun-n ze trots op wezen, ook al weten ze er zelf niet zo veule van. Die struinen overheersend de omgeving of op zeuk naor een prooi. De naoture is baos en daor ef gien iene wat over te zeggen, maar dan de vraoge: “Wie ef beslist dat een bepaold dier beschaarmd mot worden?” Dat dier mag niet edood worden deur jaegers of deur volk die mit een dodelijk waopen rondlopen of een dodelijke spuite op ofstaand bedienen. Vri’j in de naoture mit alle trieste gevolgen en zeer bedroevend veur de eigenaars van die prooi.
Beschaarming van ongedierte
Beschaarming van ongedierte mek dat de mens hierveur mot bugen, dus ingriepen veur het leed is toe ebracht. Radicaal en direct er mee ofwaarken bestiet. Dit wordt heden ten daege toe-epaast en dat is de opruming van slakken. Een slakke stiet ver van beschaarming en mit dizze vernielers daor em-m de tuunders en bloemenliefhebbers zelf wel een oplossing veur. Niks gien beschaarming of de gedachte dat ook dizze dieren het leven wordt egund.
Traoge beesten
Slakken bin traoge beesten. Zie em-m ook niet veur niks bepaolde gezegdes an dat glibberige lief hangen, wat trouwens eveniens op de naoture van sommige meensen kan slaon. ‘Zo traog as een slakke op een teertonne’, ‘Zo vet as een slakke’ en ‘Een slakkengang’. Dat leste is gien bezwaor, maar wel as er een garnizoen van die traoge glibberdingen op dooie gemak alles ofstruinen. Maar dan, dan komp het volk in opstaand.
Zachte dood gunnen
Hoe, komp men van die invasie of. Verschillende methoden worden gebruukt. Deur het toilet spoelen, in de graachte gooien - men is van mening dat een slakke niet kan zwömmen - of millieuvriendelijke slakkenkorrels, want daor bin-n ze gek op zegt men. Maar het meest anvaordbaore is om ze een zachte dood te gunnen. Het gezegde ‘Op alle slakken gien zolt leggen’ mot in dit geval juust wel. Om een slakke rustig in te laoten slaopen, wordt er gewoon wat zolt op de start elegt. Hier wordt een slakke rustig van en dat wordt zeker ook een slakke egund.
Foto: Pixabay
